Utoqqaat Illersuisuat Inga Egede, septemberip ulluisa 13-iani aamma 14-iani 2022
Nanortalimmiissaaq.
Nanortalimmiinnera iluatsillugu Utoqqaat Illersuisutut sulininni suliakka pillugit saqqummiuississaanga Qujanartip Illuani septemberip ulluisa 13-iani.
Suliakka pillugit saqqummiussineq pissaaq Qujanartip Illuani nal 19:00-imiit 22:00-ip tungaanut.
Qujanartip Illuani innuttaasunut saqqummeereeruma ukiorpassuanngortuni puiortunngortunik sullissisoq aamma puiortunngortuuneq pillugu ilisimasaqarluartoq, Kristoffer Egede puiortunngortarneq – aamma puiortunngortunik sullissineq pillugu saqqummiussaqassaaq.
Kristoffer Egede-p saqqummiussinera akunnerit marluk missaannik sivisussuseqassaaq.
Aamma Nanortalimiinnera iluatsillugu Nanortalimmi utoqqaat utoqqarnullu ilaqutaasut ataasiakkaarillunga oqaloqatiginninnissaannik periarfissississavakka.
Utoqqarnik ilaqutaasunillu ataasiakkaarilluni oqaloqateqarnissamik periarfissaq ingerlanneqassaaq ulloq 14.. September nal. 19:00-imiit 21:00 -imut atuarfimmi nutaami “Seks Kant-imi”.
Ataasiakkaarlutik oqaloqateqarusuttut qinnuigissavakka oqaloqatigiissutigerusartik pillugu pappiaqqat oqaloqatiginnikkiartornerminni nassaqqullugit.
Neriuutigaara Nanortalimmi innuttaasusi Utoqqaat Illersuisutut-aamma Kristoffer Egede-p puiortunngortarneq pillugu saqqummiussinitsinni soqutiginnillusi aggialluarumaartusi.
Utoqqaat Illersuisutut suliakka pillugit aamma Kristoffer Egede-p puiortunngortarneq pillugu saqqummiussinitsinni kaffe-qarlunilu the-qarumaarpoq.