Inatsisit

Utoqqaat Illersuisuannut inatsisitigut tunngaviusoq Inatsiartunit 2019-imi akuersissutigineqarpoq. Taaguullu 2023-mi inatsisartuni allanngortinneqarpoq imatut: Utoqqaat pillugit oqaaseqartartoq.

Utoqqaat pillugit oqaaseqartartuat naalakkersuinikkut attuumassuteqanngilaq, siunertaraalu utoqqaat inuunerminni atugaasa pitsanngorsarnissaat, utoqqaat inuiaqatigiinni periarfissaasa soqutigisaasalu qulakkeerlugillu siuarsarnissaat kiisalu utoqqaat atugaasa sammineqalernissaat paasissutissiissutigineqarnissaallu.

Utoqqaat atugaasalu inuiaqatigiinni eqqumaffigineqarnerulernissaat utoqqaat pillugit oqaaseqartartuata sulissutigaa. Tassunga atatillugu utoqqaat pillugit paasissutissanik saqqummiussinissaq, inuiaqatigiinni oqallinnermi utoqqaat sinnerlugit oqaaseqartarnissaq utoqqaallu oqallinnermi peqataatinneqarnissaannut taamalu inuiaqatigiinni inuiaqatigiit ineriartorneranni periarfissarsiuunnissaat utoqqaat pillugit oqaaseqartartuata suliarai.

Utoqqaat pillugit oqaaseqartartuata suliassaqarfianut tunngassuteqartut pillugit utoqqaat pillugit oqaaseqartartuat oqaaseqarsinnaatitaavoq, namminerlu aalajangissavaa oqaaseqarneq tamanna kimut saammitinneqassanersoq. Utoqqarnut nalinginnaasumik tunngassuteqartunik utoqqaat pillugit oqaaseqartartuat taamaallaat oqaaseqarsinnaavoq, ataasiakkaanullu tunngassuteqartunik oqaaseqartussaanani.

Utoqqaat pillugit oqaaseqartartoq aalajangiisinnaatitaanngilaq.

• Utoqqaat illersuisuat pillugu Inatsisartut inatsisaat nr. 37, 28. november 2019-imeersoq
• Utoqqaat illersuisuat pillugu Inatsisartut inatsisaata allanngortinnissaa pillugu Inatsisartut inatsisaat nr. 14, 1. december 2021-mersooq (Allattoqarfiup allanngortinnera)