Illumik piginnittoq
Illumik piginnittoq
Angerlarsimaffimmi ikiorti
Angerlarsimaffinni inuttullu eqqiluisaarnermik ikiorneqarnissamik pisariaqartitsiguit angerlarsimaffimmi ikiorteqarnissamik qinnuteqarsinnaavutit. Tamanna pillugu uani paasisaqarnerusinnaavutit (link til Angerlarsimaffimmi ikiorteqarneq)
Pisortanit ikiorsiissutit
Aningaasartuutinut aalajangersimasunut ikiorneqarnissamik pisariaqartitsiguit pisortanit ikiorsiissutinik pisartagaqarnissamik qinnuteqarsinnaavutit. Tamanna pillugu uani paasisaqarnerusinnaavutit (link til Pisortanit ikiorsiissutit)
Nammineq illuutip iluarsaannissaanut taarsigassarsiat
Soraarnerussutisiaqaruit illullu nammineq pigalugu illuutivit iluarsarnissaanut kommunalbestyrelsimit 300.000 kr.-it tikillugit ernialerneqanngitsunik akilersugassartaqanngitsumillu taarsigassarsisinnaavutit.
Taarsigassarsinermut piumasaqaatit:
- Utoqqalillutit soraarnerussutisiaqassaatit, siusinaartumik soraarnerussutisiaqarlutit imaluunniit tjenestemanditut soraarnerussutisiaqarlutit
- Illumi najugaqassaatit immaqalu katissimasat imaluunniit sivikinnerpaamik ukiuni kingullerni marlunni aapparisimasat peqatigalugu illu nammineq pigalugu.
- Iluarsaassinissap aningaasalersornissaanut nalinginnaasumik atugassarititaasut tunngavigalugit aningaaserivimmi sanaartornermi taarsigassarsisarfimmit taarsigassarsinissamut itigartinneqarsimassaatit
- Illu ikuallattoornermut ajoqusernissaanullu sillimmaserneqarsimassaaq sillimmasiinermilu akiliutinik kinguaattoorsimassanani
- Illumik piginneqataasoq katissimasinnaasat iluarsaassinissamik taarsigassarsinissamillu qinnuteqaammik akuersisimassaaq.
Taarsigassarsineq atorunnaarsinneqassaaq:
- Illu tunigukku. Taamaattorli illit katissimasavillu akornanni piginnittuunermik nikittoqarnera tamatumani atuutinngilaq.
- Taarsigassarsisimasutut ikuallattoornermut ajutoornermullu sillimmasiinermik atuutsitsinngikkuit.
- Illuutit attartortikkukku.
- Nammineq illumi najugaqanngikkuit.
- Illumi inuussutissarsiorfinnik ininik aaqqissuussisoqarpat imaluunniit illumi inuussutissarsiummik ingerlatsisoqarpat. Taamaattorli annikinnerusumik inuussutissarsiutit ilaatinneqanngillat.
Inissiap atorneqarnerata imaluunniit atugaanerata allanngortinnissaanik siunertaqartunut imaluunniit kinguneqartunut imaluunniit inuulluarniutitut taaneqarsinnaasunut iluarsaassinernut pitsanngorsaanernullu taarsigassarsisitsisoqarsinnaanngilaq.
Inatsisit
- Illuliortiternernut aningaasalersuineq pillugu Inatsisartut inatsisaat nr. 39, 23. november 2017-imeersoq
- Pisortanit ikiorsiissutit pillugit Inatsisartut peqqussutaat nr. 15, 20. november 2006-imeersoq
- Pisortanit ikiorsiissutit tunniunneqartarnerat pillugu, iliuusissatut pilersaarutit, sulisinnaassuseq il.il. pillugit Namminersornerullutik Oqartussat nalunaarutaat nr. 4, 5. marts 2007-imeersoq
- Pisortanit ikiorsiissutit pillugit inatsisartut peqqussutaata allanngortinneqarneranik Inatsisartut peqqussutaat nr. 5, 29 maj 2008-imeersoq (Oqaatsitigut periutsitigullu erseqqissaanerit)
- Inatsisartut peqqussutaat nr. 7, 31. maj 2010-meersoq pisortanit ikiorsiissutit pillugit inatsisartut peqqussutaata allanngortinneqarnera (Illerfiillu angallanneqartarneri kiisalu pisortanit ikiorsiissutinik tunniussisarnermi piumasaqaatit erseqqissaavigineqarneri)