Kigutigissaaneq
Innuttaasut peqqissuunissaat anguniarlugu peqqissuunissamik suliniuteqarneq, pinaveersaartitsineq aamma katsorsaaneq Peqqinnissaqarfimmi kigutilerinermi suliassat ilagaat. Innuttaasut tamarmik akeqanngitsumik kigutit nakorsaani suliaritissinnaapput, taamaattorli meeqqat inuusuttullu 21-t tungaannut ukiullit salliunneqartarput.
Kigutilerisumi sullinneqarnerit nalinginnaasut akeqanngitsut tassaapput:
- Kigutit akuttoqatigiiaartumik misissortinnissaat
- Kigutit qanoq peqqissuunissaannik paasissutissiineq, soorlu ujallut kukkaajaatit qanoq atorneqassanersut
- Nukingertumik suliaritinneq, soorlu ikkikkut ajuaqalernermi
- Kigutileritinneq, soorlu kigutit putoqarpata
- Kigutaasaqarneq aamma kigutinik narlorsaaneq – innersuunneqarnikkut.
Najugaqarfimmi innuttaasutut nalunaarsorsimaffigisanni nalinginnaasumik kigutileritissinnaavutit. Aamma najugaqarfimmi allami saaffiginninnerpit nalaani sulisoqarluarpat nukingertumik kigutileritissinnaavutit.
Immikkut ikiorserneqarneq
Innuttaasut kigutileriffimmi nalinginnaasumik neqeroorutaasunik atuisinnaanngippata immikkut ittumik ikiorserneqarsinnaapput.
Innuttaasoq timikkut sanngiilliuuteqarpat, soorlu gigteqarluni kigutigissaatini assamminik tigumiarsinnaanngippagit immikkut ittumik ikiorserneqarsinnaavoq. Innuttaasut tarnikkut sanngiilliuuteqarpata napparsimappataluunniit, soorlu puiortunngortuuppata paaqqutarinnilluni angerlarsimaffimmi sulisunit kigutigissarnissaminnut eqqaasinneqarnissaminnut immikkut ittumik ikiorserneqarsinnaapput.
Inatsisit