Nalinginnaasumik utoqqalinerup puigortunngornerullu assigiinngissutai
Naatsumik oqaatigalugu:
- Utoqqalinermi nalinginnaasumik aqqusaarneqarsinnaasartut, annikinnerusumik puiguisalerneq, timipp piginnaasai arriillineri
- Puigortunngorneq nappaataavoq, qarasaq piginnaanikillisarpoq, naggataagullu nammineersinnaajunnaarsitsisarluni
Nalorniguit ilaquttavit ilaat puigortunngorsimanermik ersiuteqarnersoq, taava nakorsamit misissorneqarnissaa pingaaruteqarpoq – sapinngisamik siusissukkut misissortinneq pitsaanerpaasarpoq
Suussuseq | Nalinginnaasumik utoqqalineq | Puigortunngorneq |
Nassuiaat | Pissusissamisut utoqqaliartornermi timikkut eqqarsartaatsikkullu piginnaasakilliartorneq | Napparsimalluni sivisuumik qaratsakkut piginnaasakinneq |
Eqqaamasat | Annikinnerusumik puigutuneq, soorlu atinik puigortarneq imaluunniit matuersaatit sumut ilisimanerlugit | Paasissutissat pingaarutillit pugigorlugit, utikulunneq, piffissamik/sumiiffimmik paatsuunganeq |
Ulluinnarni piginnaasat | Ulluinnarni suli namminersorsinnaaneq | Suliassat nalinginnaasut ilungersuutigalugit (soorlu iganeq, akiligassanik akiliineq) |
Oqaatsit paasinnittaaserlu | Oqaloqatigiinnerni annikitsumik kigaallaqqaneq | Oqaatsinik annaasaqarneq, nalinginnaasumik oqalunnerit paasineq ajorlugit, oqaatsit ataqatigiikkunnaartut |
Ilisimanninneq | Sivikitsukullammik paatsuungasinnaaneq, kisianni suli tamakkiisumik isiginnissinnaassuseqarluni | Piffissamik, sumiiffimmik inunnullu tunngatillugu paatsiveerunneq, aamma sumiiffinni ilisarilluakkani |
Ineriartorneq | Arriitsumik ineriartorneq nalinginnaasumik utoqqaliartorneq ilutigalugu | Nappaat annertusiartortoq piginnaasanullu amerlanerusunut sunniuteqarluni |
Peqqutaasoq | Utoqqaliartorneq, inooriaaseq, timikkut peqqissuseq | Qaratsap sannaasa allanngoriartorneri, soorlu Alzheimers taqqamik milittoornerit, Lewy body[1] il. Il. |
Katsorsartinneq | Soqanngilaq – pissusissamisut ingerlavoq | Nakorsaatinik tapersersuinikkullu nipaallisaasoqarsinnaavoq, kisianni katsorsavinneqarsinnaanngilaq |
Kinaassuseq | Nalinginnaasumik pigiinnarneqartarpoq | Allanngorsinnaavoq – soorlu uumilaqqajaaneq, annilaangarujussuarneq imaluunniit tunuarsimaarneq |
[1]Lewy body demens aamma lewy-legemer tassaasarput puigortunngornerit nalinginnaanngitsumik qaratsami proteininik annertusiartortitsinerit. Taakku proteinimik eqiterunnerit (pingaartumik alfa-synuclein) qaratsami eqqarsartaatsimut, aalaatsimut, eqqaamasaammut kiisalu aallussisinnaanermut kalluaasarput.