Isumaginninnermut Naammagittaalliuuteqartarfik
Isumaginninnermut Naammagittaalliuute-qartarfik
Isumaginninnermut Naammagittaalliuuteqartarfik isumaginninnermi oqartussaaffiit qullersaraat. Kommunip oqaasiinnakkut allakkatigulluunniit isumaginnittoqarfimmi aalajangiussai tassunga naammagittaalliutigisinnaavatit assersuutigalugu:
- Siusinaartumik soraarnerussutisiaqalernissamut aaqqiissutit
- Utoqqalinermi soraarnerussutisianik aaqqiissutit
- Ineqarnermut tapiissutit
- Pisortanit ikiorsiissutinik naatsorsuinerit
- Innarluuteqarneq pillugu ikiorneqarnissamik qinnuteqarnermi itigartitaaneq
Nordisk pension pillugu Namminersorlutik Oqartussanit aalajangiinerat aamma naammagittaalliutigisinnaavat.
Killiliineq
Kommunit allakkatigut aalajangiinerannik naammagittaalliuteqarniaruit aallaavittut aalajangiinerup ulluanit sapaatit akunneri arfinillit qaangiutsinnagit naammagittaalliussagavit eqqumaffigissavat. Tamannali aatsaat atuutissaaq kommunip naammagittaalliuteqarnissamik siunnersorsimappatit.
Naammagittaalliuuteqarneq
Naammagittaalliuteqarniaruit, imaaliorsinnaavutit:
- naammagittaalliuummik immersuiffissaq immersorlugu. MitID-mik peqaruit, naammagittaalliuteqarnissamut immersuiffissaq toqqaannartumik internet atorlugu nassiussinnaavat
- allakkamik allallutit
- e-mail-imik allallutit
- sianerlutit.
Isumaginninnermut Naammagittaalliuteqartarfimmi suliamik suliarinninnermut uku ilanngullugit nassiukkukkit iluaqutigineqassapput:
- allakkatigut aalajangiussaq
- takussutissalluunniit allat kommuniminngaanneersut.
Isumaginninnermut Naammagittaalliuuteqartarfiup aalajangigai inaarutaasumik aalajangiinerusarput, taamaattumillu allaffissornikkut ingerlatsisunut allanut ingerlateqqinneqarsinnaanatik.
Aalajangiussat eqqartuussivimmut saqqummiunneqarsinnaapput.
Malugiuk
Isumaginninnermi Naammagittaalliuteqartarfiup nittartagaa atorlugu paasisaqarnerusinnaavutit aua.gl/ka/isumaginnittoqarneq/. Nittartakkami Isumaginninnermut Naammagittaalliuteqartarfimmi tunngaviusumik aalajangikkat Kalaallit Nunaanni kommuninit tamanit malitassaat aamma atuarsinnaavatit.
Najugaq:
Isumaginninnermi Naammagittaalliuteqartarfik
Atuisartoqarnermut Unammilleqatigiinnermullu Aqutsisoqarfik
Postboks 689
3900 Nuuk
Oqarasuaat: 32 80 33
E-mail: maalaarut@nanoq.gl