Paasissutissaativut

Allattoqarfik

Kiista P. Isaksen

Utoqqaat pillugit oqaaseqartartoq

Kiista P. Isaksen utoqqaat pillugit oqaaseqartartutut 2023-mi decembarip aallaqqaataani atorfinippoq.

Kiista inunnik isumaginninnermut siunnersortitut ilinniagaqartuuvoq aammalu isumaginninnerup tungaatigut aqutsinermik ukiorpassuarni misilittagaqarluni, ilaatigut ilaqutariinnut, innarluutilinnut, meeqqanut inunnullu ataasiakkaanut tunngasutigut aammalu utoqqarnik allatigullu siunnersuinerup tungaatigut misilittagaqarluni.

Kiista aamma ukiorpanngortuni qinikkatut sulisimavoq, ilaatigullu Narsap Kommuniani 2005-imiit 2009-p tungaanut aammalu Kommune Kujallermi 2017-imiit 2021-ip tungaanut borgmesteritut atorfeqarsimavoq.

Utoqqaat pillugit oqaaseqartartoq Narsami najugaqarluni taamatut sulivoq. Sulisuni Nuummiittut isiginnaarutitigut oqarasuaatitigulluunniit ullut tamakkiallugit attaveqarfigalugit ataatsimeeqatigisarpai.

Kiistap misilittagaqarluarnini atorluarlugu utoqqarnik ilaqutaannillu siunnersuillunilu ilitsersuisarniarpoq, minnerunngitsumillu utoqqaat inuuniarneranni atugaat pillugit oqartussaasunut apuussisarniarluni.

Maline Lyberth

Allaffissornermi atorfilittaq

Maline Lyberth Inunnik isumaginninnermut siunnersortitut ilinniagaliuvoq. Isumaginnittoqarfiup iluani siammasissorujussuarmik misilittagaqartuuvoq, Kommunenini Namminresorlutillu oqartussani siunnersortitut atorfeqartarnikuulluni.

Maline ukiuni qulini kingullerni utoqqalinersianik – siusinaartumik pensionsianik – innarluutilinnut – angerlarsimaffimmi ikiorteqartitsinermut kiisalu utoqqarnut innarluutilinnullu iluaqusersuutinut annertuumik sammisaqarnikuuvoq.

Naatsorsuuserisoq avataaneersoq

Naatsorsuuserisoq avataaneersoq utoqqaat pillugit oqaaseqartartup allattoqarfianit piffissap ilaani sulisorineqartarpoq.

Ammasarfiit

Allattoqarfik ataasinngornermiit sisamanngorneq ilanngullugu nal. 10.00-imiit 14.00-ip tungaanut ammasarpoq.

Apeqqutissaqaruit, siunnersorneqarnissamik pisariaqartitsiguit imaluunniit utoqqaat atugaat pillugit oqaasissaqaruit siunnersuutissaqarlutilluunniit utoqqaat pillugit oqaaseqartartoq imaluunniit allattoqarfik attavigisinnaavatit.

Allattoqarfimmi sulisut ukunatigut attavigineqarsinnaapput:

Oqarasuaat: (+299) 54 47 29

Oqarasuaat: (+299) 54 47 07

E-mail: utoqqaat@nanoq.gl