Pitsorluttuuneq
Pitsorlunneq
Pitsorlunnermut pissutaasut assigiinngissinnaaqaat. Inunnguuserineqarsinnaavoq imaluunniit inuunerup ingerlarngani atorneqalersimalluni. Aamma timimut tunngassuteqarsinnaavoq immaluunniit nappaatit nassatarisinnaallugit. Nappaatit soorlu gigti, ukeeruttoorneq, sklerose, timip illuani nukillaarneq imaluunniit ajutoornerup kingunerisaanik timikkut innarluuteqalernermi pitsorluttunngortoqarsinnaalluni. Pitsorluttut amerlasuut aamma anniaateqartarput aalasinnaanerannut ajoqutaasumik. Utoqqaat aamma akuttunngitsumik pitsorlunnerat assersuutigalugu isigisaqarnikkut tusaasaqarnikkullu malugisaatit ajorseriarsimanerannik ilaqartarput.
Pitsorlukkaanni pisunniarneq ajornakusoortarpoq, ungasissumut pisussinnaanani pisunniarnerlu ilungersunarluni. Taamaammat tummeqqatigut majuarniarneq ammukarniarlu kiisalu maniinakuluttukkut pisunniarneq ajornartorsiutaakkajuttarlutik.
Pitsorluttuuguit angalaarnissamut ikiuuteqarnissamik pisariaqartitsisinnaavutit assersuutigalugu pisuttaammik, issiavimmik kaassuartakkamik imaluunniit ajaappiamik.
Inuit pisunnermut innarluuteqartut pisariaqartissinnaavaat:
- Majuartarfiit ajaperfii
- Majuartarfiit amerlanngitsut majuarfikinnerusut
- Ungasinngitsumut pisuffissaqarneq
- Qasuersaarfissarpassuit ingiffigineqarsinnaasut
- Pisuffissaq maniinakulunngitsoq (portussitsikkut nikeranngitsoq)
- Sivinganerit sivingavallaanngitsut
- Matut naammattumik silissusillit ammariaannaat
- Ingerlaarfissat naammattumik silissusillit.
Utoqqarnut imaluunniit innarluutilinnut inissiaq
Pitsorluttuuguit pitsorluttuuninni pisariaqartitannik naammassinnissinnaasumik utoqqarnut imaluunniit innarluutilinnut inissiamik tunineqarnissamut periarfissaqarpoq. Maluginiassavat tunineqassaguit kommunimi suliamik suliarinnittunnik oqaloqateqassagavit.
Piumasaqaatit qinnuteqarnerlu pillugit sammisaq pillugu uani paasisaqarnerusinnaavutit: https://utoqqaat.gl/utoqqarnut-imaluunniit-innarluutilinnut-inissiaq/
Angerlarsimaffimmi ikiorteqarneq
Pitsorluttuugaanni ulluinnarni eqqiaanissamut, niuerniarnissamut inuttullu eqqiluisaarnissamut angerlarsimaffimmi nalinginnaasumik ikiorteqarnissamik pisariaqartitsilersitsisunik killeqartoqalersinnaavoq. Maluginiassavat ikiorteqalernissamut kommunimi suliamik suliarinnittunnik oqaloqateqassagavit.
Piumasaqaatit qinnuteqarnerlu pillugit uani paasisaqarnerusinnaavutit: https://utoqqaat.gl/angerlarsimaffimmi-ikiorteqarneq/
Ikiuutit
Timikkut innarluuteqaruit perusuersartarfiliarnissamut, uffarnissamut assartornissamulluunniit allarpassuarnullu ikiuutinik pisariaqalersitsisumik ikiuutinik sorlernik tunineqarsinnaanerit pillugu kommuninni suliamik suliarinnittumik oqaloqateqarsinnaavutit. Kommuninnit ikiuutinik tunineqarnissamut innersuunneqarsimaguit ikiuutinik atuineq pillugu immikkut nalilerneqarnissamut, naleqqussaanissamut siunnersorneqarnissamullu Inuit Innarluutillit Illersuisuata allattoqarfiani Pissassarfimmi sulisunik oqaloqateqarsinnaavutit.
Pissassarfimmi sulisut uunga attavigisinnaavatit:
Pissassarfik
Nalunnguarfimmut 4
Postbox 477
3911 Sisimiut
E-mail: pissassarfik@nanoq.gl
Oqarasuaat: +299 34 50 70
Inatsisit