Kattuffik Utoqqaat Nipaat decemberip 5-ianiit -7-iat ilanngullugu Kangerlussuarmi ataasimeersuarnerani kattuffimmut ilaasortat sineriammi utoqaat peqatigiiffiiniit aallartitaallutik Kattuffik Utoqqaat Nipaani siulersuisuunernik qinersipput.
Kattuffik Utoqqaat Nipaani uku siulersuisuunertut qinerneqarput:
Siulittaasoq: Jensine Ottosen, Qaqortoq
Siulittaasup tullia: Kasper Larsen, Ilulissat
Aningaaserisoq: Athon Josiassen, Qaqortoq
Allatsi: Karline Elisassen, Nanortalik
Siulersuisunut ilaasortaq: David Martinsen, Sisimiut
Siulersuisunut ilaasortaq: Peter Andreassen, Qasigiannguit
Siulersuisunut sinnissussat: Inger Poulsen, Rosbach, Nuuk, Nivi Brandt, Sisimiut, Ove Rosbach, Ilulissat.
Suliniutissat:
Kattuffik Utoqqaat Nipaata Kangerlussuarmi ataatsimeersuarnerani siulersuisuuninngortut nutaat ilaatigut qulequttat uku suliniutissatut pingaarnertut aalajangiuppaat:
- Kattuffiiup Utoqqaat Nipaata suliniutigissavaa aningaasat aalajangersimasunik amerlassusillit Inatsisartut aningaasaqarnermut inatsisaanut ikkunneqassasut.
- Kattufik Utoqqaat Nipaanni siulersuisuunerini ilaasortat aammalu sineriammi utoqqaat peqatigiiffiisa siulersuisuini ilaasortat piffissami qanittumi qarasaasiatigut attaveqaqatigiittarneq pillugu pikkorissarneqarnerisa nanginneqarnissaat.
- Kattuffik Utoqqaat Nipaata ataatsimeersuarnerani Utoqqaat Illersuisuanut suliakkiissutigineqartut anguniarlugit sulinerani kattuffiup suleqataaffigissagaa. Suleqatigiinnikkut Ilaatigut kommunini utoqqaat sullinneqarneqarnerisa pitsanngorsaavigineqarnissaannut tunngasut, puiortunngortut atugarisaannut tunngasut; kiisalu puigortunngortut napparsimalerneranni sukkasuumik suussusersineqartarnissaannut tunngasut anguniarnerini Kattuffik Utoqqat Nipaata Utoqqaat Illersuisuat suleqatigalugu anguniarneqassasut ataatsimeersuarnermi suliassat pingaarnertut aalajngiunneqarput.
- Siunissaq eqqarsaatigalugu nunatsinni utoqqaat amerliartuinnartussaanerat eqqarsaatigalugu ilutigisaanillu nakorsaatinut aningaasartuutaalertussat eqqarsaatigalugit utoqqaat peqqissumik inuuneqarnissaannut qaammarsaanermi Kattuffik Utoqqaat Nipaat suleqatanerorusuppoq.
Inussiarnersumik Inuulluaqqusillunga
Jensine Ottosen
Kattuffik Utoqqaat Nipaat-ni siulittaasoq
Uunga attavigineqarsinnaavunga: Tlf 583053, e-mail: ottosenjensine@gamail.com