Utoqqaat Illersuisuata allaffeqarfittaava Nuummi Kissarneqqortuunnguaq 16-003-miippoq,
tassanngaanniillu utoqqaat inuuniarnerminni atugaat pitsanngorsarniarlugit sulissalluni
oqaluuserisassanngortitsisassallunilu.
Utoqqaat Illersuisuata allaffissornermi sulisua atorfinitsinneqaqqammersoq tassaavoq
inatsisileritooq, Najattaaq Mathiassen.
- Allaffeqarfeqarnikkut sulinissamut pitsaanerusunik atugassaqartitaalerpunga, sulisortaaralu
allaffiup initaanut nutaarluinnarnut iserteratta. Tassanngaanniit sulisortaaralu utoqqaat
inuuniarnermi atugarisaannik sulissuteqassaagut eqqummaariffigineqarnissaannillu
sulissuteqassalluta, Utoqqaat Illersuisuat, Inga Egede, oqarpoq.
Utoqqaat Illersuisuata utoqqaat inuuniarnikkut atugarisaannik misissuillunilu
pitsanngorsarneqarnis- saanik sulinera pissaaq atorfinittoq, Najattaaq Mathiassen, februaarip
1-ani 2022-mi atorfinitsinneqartoq, qanimut suleqatigalugu.
- Allaffissornikkut suleqatitaara inatsisilerinerup iluani piginnaasaqaannanngilaq, aammali
tusagassiortutut ilinniarsimasuunermigut attaveqaqatigiinnerup allaffissornerullu iluanni
piginnaasaqarluni. Taamaattumik utoqqaat atugarisaannik pitsanngorsaaniarninni
eqqumaffiginninnermillu sulissuteqarninni piginnaaneqarluartumik misilittagaqarluartumillu
isumasioqatissaqalernera uannut oqiliallaataasorujussuuvoq, Inga Egede oqarpoq.
Utoqqaat Illersuisuata allattoqarfia innuttaasunut saaffiginninnikkut orninneqarsinnaalissaaq
covid- 19-imut killilersuutit atuuttut atorunnaarpata. Massakkuugallartoq saaffiginninnerit
pisinnaapput
mobilnormu 544729 aqqutigalugu mailimullu: ineg@nanoq.gl