February 2, 2024

Utoqqaat pillugit oqaaseqartartup Nanortalimmi, Narsami Qaqortumilu utoqqalinersiallit isiginnaarutit atorlugit ataatsimeeqatiginiarpai ataasinngornermi februaarip tallimaani ualikkut nalunaaqutaq ataatsimiit pingasut tungaannut. Taamaammat utoqqaat illoqarfinni pineqartuni najugaqartut sumiiffinnut ukununnga ataatsimiigiaqquneqarput: – Utoqqalinersiallit Nanortalimmiittut ilaqutariit illuanniissapput. – Narsami utoqqaat kommunip ataatsimiittafianiissapput. – Kiisalu Qaqortumi utoqqaat kommunip ataatsimiittarfianiissallutik. Utoqqaat pillugit oqaaseqartartoq Qaqortumi utoqqaat illuanni najugaqartunut pulaartoq takuneqarsinnaavoq.

Kommune Kujallermi utoqqaat aamma utoqqaat pillugit oqaaseqartartoq isiginnaarutitigut attaveqaatit atorlugit maanna attaveqatigiissinnaanngorput. Utoqqaat pillugit oqaaseqartartummi kommunimini utoqqarnik attaveqartalernissaminut atugassanik Kommune Kujalleq attaveqaatinik atugassiisussaq suleqatigiinnissamik isumaqatigiissuteqarfigaa.   – Utoqqaat mobilitik nutaaliaasut atorlugit MitID-mut, e-boks-imut allanullu attaveqarsinnaalernissaannut periarfissiiniarluta utoqqaat Nanortalimmi, Narsami aamma Qaqortumi naapittarfiini internetilersuinissamik suliniut kommunitsinni misissorlugu aallarteqqammerparput. Taamaammat utoqqaat pillugit oqaaseqartartup Kommune Kujallermi utoqqartatsinnik attaveqartalernissaanut