March 2024

Naak angallannikkut akimmiffeqarfiugaluartoq utoqqaat pillugit oqaaseqartartoq qarasaasiatigut kiinnerlunilu ataatsimiinnertigut Avannaata Kommuniani utoqqaat atugaannik paasisaqarluarpoq. Ilulissani utoqqaat illuanni najugaqartut qanigisaallu, sulisut aqutsisorlu ullut pingasut ingerlaneranni utoqqaat pillugit oqaaseqartartumik ataasiakkaaraluni ataatsimeeqateqarnissamut periarfissinneqarnerminni utoqqaat illuanni pissutsinik oqaluttuarluarput. Taamatuttaaq Ilulissani Uummannamilu angerlarsimaffimmi ikiorteqarnermik atuisuusunik utoqqarnik aamma angerlarsimaffimmi ikiorteqarnermi ataqatigiissaarisunik oqaloqateqarnikkut, minnerunngitsumillu Avannaata Kommuniani najugaqarfinnit 13-iusunit utoqqarnik ataatsimeeqateqarnikkut – kommunip […]

Utoqqaat pillugit oqaaseqartartup allattoqarfia maannamut Nuummiissimasoq tallimanngorneq marsip 15-ianiit Narsamiilissaaq. Najugaq nutaaq tassaavoq: Josefip Aqqutaa 749, 3921 Narsaq. Taamatuttaaq maanamut oqarasuaatigineqarsimasoq matuneqassaaq, nutaamillu normuulissaaq 544729. Oqarasuaatip angallattakkap normua alla sianerfigineqarsinnaalersussaq kingorna aamma nalunaarutigineqarumaarpoq. E-maili allanngortinneqarani unaavoq: utoqqaat@nanoq.gl

Utoqqaat pillugit oqaaseqartartup Avannaata Kommuniata illoqarfiini nunaqarfiinilu utoqqalinersiallit isiginnaarutit atorlugit ataatsimeeqatiginiarpai pingasunngornermi marsip 13-iani nalunaaqutaq ataatsimut. Sumiiffissat pillugit kommunip allaffiini aamma nunaqarfimmi aqutsisut allagarsiiviini takuneqarsinnaassapput.

Utoqqaat pillugit oqaaseqartartoq Ilimanami innuttaasunik ataatsimiisitsiniarpoq marlunngornermi marsip 12-ani nal. 16.00 katersortarfimmi. Aggialluarisi (Asseq: Avannaata Kommunia)

Utoqqaat pillugit oqaaseqartartoq Uummannami innuttaasunik isiginnaarutit atorlugit ataatsimiisitsiniarpoq ataasinngorpat marsip 11-ni nal. 19.00 Atuarfik Edvard Krusemi. Aggialluarisi (Asseq: Avannaata Kommunia)

Utoqqaat pillugit oqaaseqartartoq Ilulissani innuttaasunik ataatsimiisitsiniarpoq marlunngornermi marsip tallimaani nal. 19.00 Majoriami. Aggialluarisi