Avannaata Kommunia utoqqarnut utoqqaat pillugit oqaaseqartartumik attaveqarusussinnaasunut attaveqaatinik digitaliusunik periarfissiissuteqarniarlunilu toqqaannartumik nutserisoqartitsiniarpoq.
– Avannaata Kommuniani najugaqarfiit tamarmik attaveqaatinik digitaliusunik pilersorneqareerput, taamaammallu kommunimi utoqqaat tamarmik utoqqaat pillugit oqaaseqartartumik ataatsimeeqateqarnissaminnut periarfissaqarput. Taamatuttaaq toqqaannartumik nutserisoqartitsisinnaallutalu ataatsimiinnerit kommunip Facebookiatigut siaruartersinnaavagut, Avannaata Kommuniani borgmesteri Palle Jerimiassen utoqqaat pillugit oqaaseqartartumik piareersaataasumik ataatsimeeqateqarnermini oqarpoq.
Persuarsiuutaajumaartoq
Taamaasilluni utoqqaat pillugit oqaaseqartartoq Kiista P. Isaksen Avannaata Kommuniani utoqqarnik nunaqarfinnit 21-ineersunik aammalu illoqarfinnit sisamaneersunik ataatsikkut isignnaarutitigut digitaliusutigut ataatsimeeqateqarnissaminut periarfissinneqarpoq. Ataatsimeeqatigiinneq pingasunngornermi marsip 13-iani nal. 13.00 pissaaq.
– Utoqqarnik attaveqaatitigut digitaliusutigut ataatsimeeqateqarnissamut kaammattuuteqarnerput Avannaata Kommunianit ilassilluarneqarmat nuannaajallannaqaaq, naallu immitsinnut taama ungasitsigigaluarluta utoqqarnik najugaqarfinnit taama amerlatigisuneersunik kiinnerfeqateqarlunga pernaataasumik ataatsimeeqateqassaanga. Qularinngilluinnarpara tamanna uannut kommunimilu utoqqarnut persuarsiuutaajumaartoq, utoqqaat pillugit oqaaseqartartoq Kiista P. Isaksen unnersiorpoq.
Utoqqaat pillugit oqaaseqartartup utoqqarnik isiginnaarutitigut ataatsimeeqateqarnissaminut kommuninut kaammattuuteqarnerani Avannaata Kommunia akuersisut tulleraat. Utoqqaat pillugit oqaaseqartartup Kommune Kujallermi utoqqaat siusinnerusukkut ataatsimeeqatigereerpai.