nunaroot

Ullumi FN-ip Naalagaaffiit Peqatigiit nunani tamalaani utoqqarnut ullorititaat nalliussivarput. Ulloq una Kalaallit Nunaanni utoqqarnut, ilaqutariinnut, inuiaqatigiinnut aamma ataatsimoorussatsinnut oqaluttuarisaanermullu pingaaruteqartumut immikkut eqqaamannittarpugut. Utoqqaat asasavut Ilissi maaniisimanngikkaluarussi uagut, qitornasi, erngutasi kinguaassilu ullumikkut maaniisimanavianngikkaluarpugut. Ilissi tassaavusi Kalaallit Nunatta ilusilerneqarneranut, pilersinneqarneranut ineriartortinneqarneranullu pilersitseqataasimasut. Sulisimavusi, akisussaaffinnik tigusisarsimavusi, meeqqanik perorsaasimavusi, allanik ikiuuttarsimavusi aammalu oqaatsitsinnik, kulturitsinnik, ileqqutsinnik naleqartitatsinnillu kinguaariinnut tullinnguuttunut ingerlatitseqqittarsimavusi. […]

Ukununnga; Aningaasaqarnermut Naalakkersuisoqarfik, Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoqarfik Utoqqaat pillugit oqaaseqartartup 2027-mut Aningaasanut Inatsisissamut siunnersuummut oqaaseqaatai.   Utoqqaat amerlasuut aamma saaffiginnittut amerlasuut – kisianni Utoqqaat oqaaseqartartup aningaasalersorneqarnera uninngaannarpoq. Utoqqaat pillugit oqaaseqartartut ernumassutigaara, 2027-mut Aningaasanut Inatsisissamut siunnersuummi, sinaakkutissatut aningaasaliissutigineqarniarneqartut, ukiut siuliinitut allannguuteqartinneqartinneqanngitsunik siunnersuuteqartoqarnera, ilutigitillugu ikiorseqqullutik, siunnersoqqullutit aammalu oqaaseqartartumik nukittuumik peqarnissamik, piumasaqaataasut annertusiartortillugit. Kalaallit nunaanni utoqqaat

KNUSTAS – Kalaallit nunanni utoqqaat, siusinaartumik pensionisialinnut timikkut anersaakkullu suleqatigiiffiat, Aasianni naapisimaarnerminni Utoqqaat pillugit oqaaseqartartatoq aggersarpaa, suliassaqarfini pillugu utoqqarnut saqqummiisinnaannginnersoq. Aggersaassut tigulluarlugu, 15.juli 2026 digitalit atorlugit teamsikkut Oqaaseqartartoq saqqummiivoq kingornalu peqataasut oqalliseqatigalugit. Qulequttatut pingaarnertut peqataasunik sammineqartut tassapput; Pisortani susassaqarfinni tamani, utoqqarnut, ataqqinmnittumik, torersumik, pissuserissaartumik, sullissisuusunit sullinneqartannginneq, ilitsersuerpalaartumillu aqqutissiuisannginnerat Utoqqalinersiat pillugit, kimit – qaqugukkut, pisortat sullisiginninnerminni,

Nutaarsiassaq uani atuaruk: Uani

Uani atuaruk: Uani

Jens Ole Semsen, utoqqaat pillugit oqaaseqartartumit inassutigineqartoq, sulilluarnissaanik angusaqarluarnissaanillu kissaallugu pilluaqquarput. Atuaruk: Uani

Ugguuna atuaruk: UANI

Utoqqaat pillugit oqaaseqartarfik piffissamut 1.september – 17.september 2025, Tasiilamut aamma Nuummut Utoqqaat atugarisaat pillugit paasisassarsiorluni angalassaaq, kingornalu Inuit innarluutilillit oqaaseqartarfiata Isumasioqatigiitsinissaanut Ataatsimeersuartitsinissaanullu peqataassalluni. Taamaammat naatsorsuutigineqassaaq, piffissap taaneqartup iluani, aatsaat periarfissaqalerfikkut saaffiginnisutit qisuariarfigineqartarumaarmata.

Utoqqaat pillugit oqaaseqartartoq Kiista P. Isaksen Narsami utoqqaat illuanni luuciartoqarneranut atatillugu ullup-qeqqasioqatigiinnissamut qaaqqusaammat utoqqaat najugaqartut nunaqqatiminnik Utoqqaat pillugit oqaaseqartartoqalernertik tipaatsuutigaat. Utoqqaat pillugit oqaaseqartartup utoqqaat luuciarfigineqartut peqataaffigai, kingornalu najugaqartut ullup-qeqqasioqatigalugillu juullimut poortugarsiassanik poortueqatigigamigit nuannisaqatigeqai. – Utoqqaat nunaqqatiminnik Utoqqaat pillugit oqaaseqartartoqalernertik tipaatsuutigaat, nuannisaqatigeeqaagullu. Allaat puiortunngortut ilaat ilisarsillutillu ukiut arlallit matuma siorna pisimasunik eqqaamasalikkersaarput, Utoqqaat pillugit oqaaseqartartoq Kiista

Utoqqaat pillugit oqaaseqartartoq Kiista P. Isaksen Narsami najugaqarluni utoqqaat pillugit oqaaseqartartutut sulissaaq. Tamatumunnga atatillugu nunatsinni kommunit kajumissaarpai, utoqqarnut utoqqaat pillugit oqaaseqartartuannik oqaloqateqarusuttunut ininik ataatsimiinnermilu atortunik utoqqarnut pisariillisaataajumaartussanik periarfisseeqqullugit. – Nunami isorartoorujussuarmi najugaqarpugut, uangalu utoqqaat pillugit oqaaseqartartutut nunatsinni utoqqaat qanimut attaviginiassallugit periarfissaqanngilanga. Taamaammat kommuninut kajumissaaruteqarpunga ininik ataatsimiinnermilu atortunik utoqqarnut utoqqaat pillugit oqaaseqartartumik sulisuinilluunniit oqaloqateqarusuttunut periarfissiissuteqaqqullugit, Kiista