nunaroot

Avannaata Kommuniata Peqqinnissaqarfiullu akornanni isumaqatigiissut, tassalu Qaanaap illoqarfiani nunaqarfianiillu napparsimasut napparsimanerminni Qaanaami utoqqaat illuanniitinneqartarnissaannik  isumaqatigiissut akuersaarneqarsinnaanngilaq. Taamaattumik isumaqatigiissut atorunnaarsittariaqarpoq.Taama isumaqarpoq Utoqqaat Illersuisuat, Inga Egede. -Qaanaami utoqqaat illuani najugaqartut 15-iupput. 2020-mi maajip aallaqqaataani isumaqatigiissut atuutilermat sulisut utoqqarnik paaqqinnittussatut  sulisuusut peqqinnissaqarfimmi sulisut ilinniagaqarsimasut suliassaannik suliakkerneqartalerput, naak sulisut pingasuinnaat ilinniagaqarsimasuusut –  ataaseq peqqinnissamut ikiortitut  marlullu  isumaginninnermi ikiortitut ilinniarsimasuummata. […]

Kristoffer Egede isumaginninnermi peqqissaanermilu ikiortitut ilinniagalik aammalu puigortunngorneq pillugu immikkut ilinniagaqarsimasoq Unnuk Kulturisiorfimmi puigortunngorneq pillugu Utoqqaat Illersuisuata allattoqarfiani saqqummiivoq. Nuummi utoqqaat illuanni sulisuuvoq, saqqummiineralu tunngavigalugu puigortunngortunngortunik sullissinera pillugu apeqquteqarfigaarput. – Saqqummiininni puigortunngoriaatsit sisamat aammalu Parkinsonimik imaluunniit Huntingtonimik nappaatillit puigortunngornermik nappaateqalersinnaasarnerat oqaatigaat. Danmarkimi Alzheimersimik puigortunngortarneq nalinginnaaneruvoq – nunatsinni puigortunngoriaaseq sorleq nalinginnaanerua? KE: – Nunatsinni puigortunngortarnermi Alzheimers

Utoqqaat Illersuisuata allattoqarfia Unnuk Kulturisiorfimmi aqqusaarlugu Utoqqaat Illersuisuata Inga Egedep suliai paasisaqarfigikkit aammalu peqqinnissamut puiortunngornermullu ikiorti Kristoffer Egede puiortunngorneq pillugu saqqummiisoq najuuffigalugu. Kissarneqqortuunnguaq 16-003-mut nal. 15.00-imiit 18.00-ip tungaanut alakkaagit. Paasissutissat allat uani takukkit: https://kulturnat.gl/kulturnat/da/program/nuuk-da/

Utoqqat Illersuisuata allaffeqarfia Unnuk Kulturisorfimmi ammassaaq ualikkut nalunaaqutaq pingasuniit arferngup tungaanut. Utoqqaat Illersuisuata allaffeqarfianut alakkaallutit allaffeqarfitsinni suliavut pillugit paasisaqarnerugit uunga ornigunnikkut: Kissarneqqortuunnguaq 16-003. Allaffeqarfik nutaajuvoq 2021-imi januaarip aallaqqaataani atuutilersoq. Suliavut immikkuullarissut pillugit Power Pointi atorlugu saqqummiussissaagut, taamatullu kaffeqarlunilu teeqassaaq kageeraqassallunilu. Utoqqaaguit, utoqqarmut ilaqutaaguit imaluunniit utoqqaat atugaannik soqutigisaqaruit Unnuk Kulturisiorfimmi takunissat qilanaaralugu tikilluaqquatsigit.

Utoqqaat Illersuisuata allattoqarfianiit paasiniaanermi erserpoq, utoqqaat MitID-mik atuinissamut suli ikiorneqartariaqartut. Utoqqaat Illersuisuat naliliivoq, pisortaqarfinnit amigartumik paasititsiniaasimaneq pissutigalugu utoqqarpassuit MitID atorlugu kiffartuunneqarnissaminnit mattunneqartut. Utoqqaat MitID-mik suli ajornartorsiuteqarnerat Utoqqaat Illersuisuata Inga Egedep isornartuusoraa. MitID-mik atuutsitsinialernermi naammattumik qaammarsaaniuteqartoqannginnera utoqqarnik eqquinerpaavoq. Utoqqat allarpassuartigut akimmiffissaqareerput, maannalu naammattumik paasititsiniaasoqarsimannginnera pissutigalugu pisortaqarfinnit qaavatigut nammakkerneqarput. Naallu utoqqaat ilaat kinaassutsimut uppernarsaatinik qarasaasiatigoortunik atuilereeraluilluunniit MitID-mi

MitID-p atuutsinneqalerneraniit qaammat ataasinngunngitsorluunniit innuttaasut amerlasuut kinaassutsimik uppernarsaammik qarasaasiatigoortumik suli peqalinngillat, pingaartumillu utoqqaat amerlasuut susinnaajunnaarsinneqarput. MitID-mik atuilersitsineq innuttaasunut, innuttaasunut sullissivinnut aningaaserivinnullu kingullertigut akimmisaartitsivoq. Pingaartumik utoqqaat atortorissaarutit tungaasigut inuusunnerumaanit piginnaanikinnerusut ulloq manna tikillugu MitID-mit suli akimmisaartinneqarput. Utoqqaat Illersuisuata allattoqarfianit utoqqaat peqatigiiffiinut kattuffiinullu paasiniaanermi erserpoq, kommuninit bankinillu MitID-taarnissamut ikiuisinnaannginneq utoqqarnut erloqinartorsiortitsilluni susinnaajunnaarsitsivoq. – MitID-taarnissamut ikioqqulluta kommunimut arlaleriarluta

-Utoqqaat nunaqarfinni sumiiffinnilu avinngarusimasuniittut inuunerannik pitsanngorsaanissamut politikkikkut suliniutit erseqqaserluppallaarput. Utoqqaat Illersuisuata, politikkikkut suliallit eqqarsaqqinnissaannik tinnersarpai, utoqqaat sumiiffinni avinngarusimasuniittut nunaqarfinniittullu, pissutsit atugaat pillugit pitsanngorsaasoqarnissaa salliunneqarniassammat, aningaasaleeriaaseq pillugu pingaarnersiuisoqaqqittariaqalermat. Naalagaaffiit Peqatigiit Nunarsuaq Tamakkerlugu Utoqqarnut Ullorititaanut atatillugu, taavalu Utoqqaat Illersuisuata Upernavimmut angalanerminit nalunaarusiami saqqummersinneqarneranut atatillugu Utoqqaat Illersuisuat taama oqaaseqarpoq. 1. oktoberi tassaavoq Naalagaaffiit Peqatigiit Nunarsuaq Tamakkerlugu Utoqqarnut Ullorititaa.

Utoqqaat Illersuisuat Inga Egede, septemberip ulluisa 13-iani 2022 Alluitsup Paaniissaaq Alluitsup Paaniinnera iluatsillugu Utoqqaat Illersuisutut sulininni suliakka pillugit saqqummiuississaanga Klub-imi nalunaaqutaq 11:00-imiit 14:00-ip tungaanut. Klub-imi saqqummeereeruma ukiorpassuanngortuni puiortunngortunik sullissisoq aamma puiortunngortuuneq pillugu ilisimasaqarluartoq, Kristoffer  Egede puiortunngortarneq – aamma puiortunngortunik sullissineq pillugu saqqummiussaqassaaq. Kristoffer Egede-p saqqummiussinera akunnerit marluk missaannik sivisussuseqassaaq. Alluitsup Paamiut utoqqaat utoqqarnullu ilaqutaasut ataasiakkaarillunga

Utoqqaat Illersuisuat Inga Egede, septemberip ulluisa 13-iani aamma 14-iani 2022 Nanortalimmiissaaq. Nanortalimmiinnera iluatsillugu Utoqqaat Illersuisutut sulininni suliakka pillugit saqqummiuississaanga Qujanartip Illuani septemberip ulluisa 13-iani. Suliakka pillugit saqqummiussineq pissaaq  Qujanartip Illuani nal 19:00-imiit 22:00-ip tungaanut. Qujanartip Illuani innuttaasunut saqqummeereeruma ukiorpassuanngortuni puiortunngortunik sullissisoq aamma puiortunngortuuneq pillugu ilisimasaqarluartoq, Kristoffer  Egede puiortunngortarneq – aamma puiortunngortunik sullissineq pillugu saqqummiussaqassaaq. Kristoffer

Utoqqaat Illersuisuat Inga Egede, septemberip ulluisa 15-iani aamma 16-iani 2022 Narsamiissaaq. Narsamiinnera iluatsillugu Utoqqaat Illersuisutut sulininni suliakka pillugit saqqummiuississaanga Narsap Katersortarfiani septemberip ulluisa 15-ianni. Narsap Katersortarfiani suliakka pillugit saqqummiussineq pissaaq  nal 19:00-imiit 22:00-ip tungaanut. Narsap Katersortarfiani innuttaasunut saqqummeereeruma ukiorpassuanngortuni puiortunngortunik sullissisoq aamma puiortunngortuuneq pillugu ilisimasaqarluartoq, Kristoffer  Egede puiortunngortarneq – aamma puiortunngortunik sullissineq pillugu saqqummiussaqassaaq. Kristoffer